मम्मी जी

मैं अंग्रेजी पढ़ी लिखी,म्हारी कीमत बढ़ गई मम्मी जी।

सास केवे सामायिक कर लो,
मैं सामायिक करुं मम्मी जी।
सामायिक कांई है पता नहीं थो,
म्हारी नॉलेज बढ़ गई मम्मी जी
मैं अंग्रेजी पढ़ी लिखी,म्हारी कीमत बढ़ गई मम्मी जी।

सास केवे मंदिर जाओ,
मैं मंदिर जाऊं मम्मी जी।
वॉक री हमें जरुरत कोनी,
यूं ही सेहत बनगई मम्मी जी।
मैं अंग्रेजी पढ़ी लिखी,म्हारी कीमत बढ़ गई मम्मी जी।

सास केवे प्रतिक्रमण सीखो,
मैं वो भी सीखूं मम्मी जी।
प्रतिक्रमण कर पाप घटाऊं,
घणो आनंद आवे मम्मी जी।
मैं अंग्रेजी पढ़ी लिखी,म्हारी कीमत बढ़ गई मम्मी जी।

सास केवे भक्ति में जाओ,
मैं भक्ति में गई मम्मी जी।
श्रीसंघ ने घणी ताली बजाई,
मैंने भजन गाया मम्मी जी।
मैं अंग्रेजी पढ़ी लिखी,म्हारी कीमत बढ़ गई मम्मी जी।

सास बोली तपस्या कर लो,
मैंने अट्ठाई कर ली मम्मी जी।
सासू मां ने लाड़कोड कराया,
अब थें भी आ जाओ मम्मी जी।
मैं अंग्रेजी पढ़ी लिखी,म्हारी कीमत बढ़ गई मम्मी जी।